Skip to main content

कबिताः बालक विचरा

Photo: Ramesh Pant
http://ratopati.com/story/10759

सारा संसार मायाको भोगी छ,
आज म पनि त्यसैको शिकार बन्न पुगे
हो म पनि
माया पाउन तड्पिरहेको छु ।
यस्तै छ,
माया भन्ने चिज बुझ्नैगारो अहो
झन् मायामा रुझ्नै गारो अहो
वेदनाले भरिएको यो मनलाई,
आज म मायाको जरुरत देख्दैछु ।
जब
भोग लागेको बेला पेटमा दर्गुछन्
हो ती मुुसा जस्तै
मायाको लागि तड्पिरहेको छु
अनि बारुदको गोला जस्तौ पट्किरहेको छु,
आमाबुबा, दाजुभाइ, दिदीबहिनीको माया
छिमेक अनि आफन्तको माया
पाउन भनी तड्पिरहेको छु ।
हैन ?
मानवता नभएका हुनकी
मानववादमा भिज्न नसकेका
दुई शब्दको माया
जाबो माया दिन नसकेका
हेर
आफूलाई बुज्रुक ठान्नेहरु
सामाजमा कर्णधार बनाउने अरे
बुझ्नै गारो भो
अहो !
यो मायाको मतलव के ?
किन यसबाट सबै वञ्चित हुँदैछन्
के माया लुकाउन राखेको
के मलाई नै सुकाउन राखेको !
हुन त,
दीन दुःखी अनि दयालु माथि पोखिने शब्द छ नि विचरा
हो त्यही विचरा
आज म आफैलाई पोख्दै छु ।
तर
आर्दशका कुरा गर्दा भन्छौ अरे
ठुलालाई आदर अनि साना लाई माया
आजकल यो माया कता छ ?
दयाको भाव नभएका
खुब आदर चाहियो अरे !
होटलमा हेर बसमा हेर
नदिको किनारमा हेर
हेर्नै रहर छ भने
किन नजिकैको इँटाभट्टामा नजाने ?
त्यो इँटाभट्टामा गएर हेर,
हेर
जताततै हेर
पुगेन कि ?
फेरी पनि हेर्दै जाऊ
खोज्दै जाऊ,
कलम समाउने ति कोमल हातले गरेका काम हेर
आफ्नै सामाजमा गरिएका दुव्र्यहार हेर
वुवाबाजे आफन्त अनि छिमेकबाट
बलात्कृत बालबालिकाको चित्कार हेर
द्धन्द्धकालमा पीडित बालबालिकाको वेदना हेर
यदी ति अधिकार भरिएका आँखाले सानो दुःख पनि देख्दैन भने
के हेर्यौ त ?
बजार जाऊ
नयाँ चस्मा ल्याऊ अनि हेर
सायद बुझाइको अभाब छ,
आँखा रसाएर आयो
मन भरिएर आयो
कति भनेर मुखलाई सुकाउ,
अनि
कति सोचेर मनलाई सताउँ
थुक्क! म नि कस्तो ?
आफ्नो रिस पोख्दै रहेछुँ
पथ्थरलाई पो भन्दै रहेछु !
हो,
म बालबालिका नै हो
त्यसैले त वेदना पोख्दै छु
बालबालिकाका लागि सोच्दै छु
बालश्रम र हिंसाका बारेमा खोक्दै छु
अनि,
सारा बालबालिकाको प्रतिनिधित्व गर्दै
बाल अधिकारका लागि भावना पोख्दै छु ।

धनगढी, कैलाली
बालक्लब पूर्वसदस्य

Comments

Popular posts from this blog

गजल

अनुपम सुन्दरताको बहार तिमिलाइ । सयौं थुङ्गे फुलको उपहार तिमिलाइ ।। मित्रतानै प्रेमको बन्धन होइन र प्यारी ? मुनामदन बदल्न सक्ने प्यार तिमिलाइ । कुभद्र कहिले नहोस कसैको जिन्दगीमा सधै होस चाहेको ब्याबहार तिमिलाइ । आटेको, सोचेको, खोजेको सबै पाइयोस कहिले केही नहोस इन्तजार तिमिलाइ । बौद्दिकता! तिमिमा होस अगाडि सबैभन्दा सधै गरोस् भगवानले स्याहार तिमिलाइ । 31 May 2018 Created

कबिताः रानी

मेरि रानी उदाउदैछ सुनैलो बिहानी संगै मिलिजुली बनाउन है एक पृथक कहानी । म अनि तिमि खोज्दैछौ शब्द "हामी" तिमी देख्दा हुन्छु म पानी पानी जोतौ न है प्यारको खानी । मायाको बास्ना छर्ने उस्को बानि लिनेछु म छानीछनी सधैं म तिम्रो लागि आउ रमाउन संगै एक अर्कालाई तानीतानी । ए नानी ! तिमिलाइ नलागेनी म ज्ञानी आउने छैन कहिले भावना ठुलो म अनि तिमी सानि । उहीँ सानो सपना सपनामै छ घर यहि सानो उद्देश्य आफ्नै मानी हुँदैन भने तिमिलाइ हानी आउन सक्छौ आफ्नै ठानी एउटा मैका गल्ती गर्न तिमिलाइ स्विकार्न सक्छौ जानीजानी । म राजा तिमी रानी आउ मिलौ हामी बनाउ न है सानो एउटा कहानी ।। 13 April 2018 Created

विद्यार्थी संगठन : समीक्षा

https://www.updatekhabar.com/art/ नेतृत्वले पूर्णताका लागि हैन, प्रगतिको लागि प्रयास गर्दछ । यस्तै पूर्णताका लागि अनन्त नहुने विद्यार्थी राजनीतिका विषयमा समय समयमा चिन्तन र चिन्ता हुन जरुरी छ । विद्यार्थी युनियन भनेको विद्यार्थीहरूका लागि काम गर्न विद्यार्थी द्वारा नै गठित विद्यार्थीहरूको समूह हो । युनियनहरूले विद्यार्थीको प्रतिनिधित्व गर्दै विद्यार्थीका विचार र हक सुनिश्चित गर्न पहल, बहस, अभियान र क्रियाकलापहरूमा सहजीकरण र सहयोग गर्न स्वयमसेबी भूमिका खेल्नु पर्दछ । विश्व परिवेश हेर्दा विद्यार्थी युनियनको अवधारणा दोस्रो विश्वयुद्ध पहिले सन् १९०० देखी सन् १९३० बिचमा आएको पाइन्छ । सन् १९०६ मा स्टुडेन्ट रेप्रिजेन्टिभ काउन्सिल स्थापना भएको पाइन्छ । विधिवत रूपमा सन् १९२३ मा यूनियन सबै सामु परिचित भएको हो । दोस्रो विश्वयुद्धमा विद्यार्थी यूनियनले सैन्य शक्तिलाई बलियो बनाउन स्वयमसेवकको भूमिका निर्वाह गरे जहाँ विश्वविद्यालयमा बस्न र खानपिनमा मद्दत गरे । विश्वयुद्ध पछि युनियनको भूमिकामा परिवर्तन आएर विश्वविद्यालयका गतिविधि सुधार ल्याउन थालिएको थियो जस्तो कि छात्रछात्राका छुट्ट्याएका कक्षा...